သစ္စာလေးပါးတရားမြတ်

သစ္စာလေးပါးဆိုရင် များသောအားဖြင့် သိဘုန်းကြီးတို့ ဗုဒ္ဓဘာသာဝင်များ သိရှိပြီးသားဖြစ်ကြမှာပါ၊ ဒုက္ခသစ္စာ၊ သမုဒယသစ္စာ နိရောဓသစ္စာ၊ မဂ္ဂသစ္စာ လို့ အသံကြားလိုက်တာနဲ့ အားလုံးသိရှိပြီးသား ဖြစ်ပါတယ်၊ အဲဒီ သစ္စာတရားများကိုလည်း ခွဲခြားဝေဖန်ပြီးသိရှိ နားလည်ကြဖို့ အရေးပါတယ် လို့ ယူဆရတဲ့ အတွက်ကြောင့်၊ ဘုန်းကြီးတို့ ဥာဏ်မှီသလောက် ဝိသုဒ္ဓိမဂ်မှာလာတဲ့ သစ္စာအကြောင်းကို မှီးငြမ်းပြီးတင်ပြချင်ပါတယ်။
သစ္စာလေးပါးကို စာသံပေသံနဲ့ တိတိကျကျလေး ပြောရရင်တော့ ဒုက္ခအရိယသစ္စာ, ဒုက္ခသမုဒယ အရိယသစ္စာ, ဒုက္ခနိရောဓ အရိယသစ္စာ,ဒုက္ခနိရောဓသို့ဆိုက်ရောက်သည့်အကျင့်ပဋိပဒါဟူသောမဂ္ဂအရိယသစ္စာ၊များဖြစ်ကြပါတယ်။သစ္စာလေးပါးအနက်မှ၊
ဒုက္ခသစ္စာ စတဲ့လေးပါးလုံးရဲ့ အနက်သဘောကို ဃနသေချာစွာသိရှိစေဖို့ အတွက် ၊

၁။ ။ ဒုက္ခသစ္စာ ရဲ့သဘောကား (က) ပီဠနဋ္ဌ = နှိပ်စက်ခြင်းသဘော၊ (ခ) သင်္ခတဋ္ဌ = ပေါင်းစု၍ပြုအပ်သောသဘော၊ (ဂ) သန္တာပဋ္ဌ = ပူလောင်စေခြင်းသဘော၊ (ဃ) ဝိပရိဏာမဋ္ဌ = ဖောက်ပြန်ခြင်းသဘော၊ ဒုက္ခသစ္စာ၏ ဤလေးပါးသော ဒုက္ခအနက် သဘောတရား များမှာ မှန်ကန်သောသဘောတရား၊ မချွတ်ယွင်းသောသဘောတရား ဤသဘောတရားမှ အခြားအခြင်းအရာမရှိဟုမှတ်သားသင့်၏။
၂။ ။ သမုဒယသစ္စာရဲ့ သဘောကား (က) အာယူဟနဋ္ဌ = အား ထုတ်ခြင်းသဘော၊ (ခ) နိဒါနဋ္ဌ = ဆင်းရဲ၏ အကြောင်းသဘော၊
(ဂ) သံ ယောဂဋ္ဌ = ဆင်းရဲနှင့်ယှဉ်စေခြင်းသဘော၊ (ဃ) ပလိ ဗောဓဋ္ဌ = နှောင့်ယှက်တားမြစ်ခြင်းသဘော တရားများဖြစ်ပါတယ်။
၃။ ။ နိရောဓသစ္စာရဲ့ သဘောကား (က) နိဿရဏဋ္ဌ = ထွက်မြောက်ခြင်းသဘော၊ (ခ) ဝိဝေကဋ္ဌ = သင်္ခါရတို့မှ
ကင်းဆိတ်ခြင်းသဘော၊ (ဂ) အသင်္ခတဋ္ဌ = မပြုအပ်သောသဘော၊ (ဃ) အမတဋ္ဌ = မသေမပျက်ခြင်းသဘော တရားများဖြစ်ပါတယ်။
၎။ ။ မဂ္ဂသစ္စာရဲ့ သဘောကား (က) နိယျာနဋ္ဌ = ထွက်မြောက်ကြောင်းသဘော၊ (ခ) ဟေတုဋ္ဌ (ခ) နိဗ္ဗာန်ရောက်ကြောင်းသဘော၊
(ဂ) ဒဿနဋ္ဌ = နိဗ္ဗာန် ကို မျက်မှောက်မြင်ခြင်းသဘော၊ (ဃ) အာဓိပတေယျဋ္ဌ = အကြီးအမှူးဖြစ်ခြင်းသဘော တရားများဖြစ်ပါတယ်။
ယခုပြဆိုပြဆိုခဲ့တဲ့ သဘောတရားများသည် သစ္စာလေးပါး ကို လေးပါး လေးပါးစီ ဝေဘန်ပြထားသည့် အစွမ်းအားဖြင့် မှတ်သားသင့်တဲ့
အဆုံးအဖြတ်ဖြစ်ပါတယ်။

သဒ္ဒါနက် လက္ခဏာအစရှိသော အပြားအားဖြင့် လည်း သစ္စာလေးပါးကို လေ့လာကြဦးစို့ ။ ။
၁။ ။ ဒုက္ခသစ္စာ = ဒုက္ခ ဟူသောပုဒ်၌ ဒု-ဟူသော သဒ္ဒါသည် စက်ဆုပ်ဖွယ်အနက်ဖြစ်တယ်။ ဥပမာ = စက်ဆုပ်ဖွယ် သားဆိုးကို ဒုပုတ္တ-ဟုဆိုကြသလိုမျိုး။ ခံ-သဒ္ဒါ သည် အချည်းနှီးဟူသောအနက် မှာဖြစ်တယ်။ ဥပမာ = အချည်းနှီး ကောင်းကင်ကို ခံ-ဟု ဆိုကြ၏။
ဤ ဒုက္ခသစ္စာ သည်လည်း များစွာသော ဥပဒ္ဒဝေါ တို့၏ တည်ရာ ဖြစ်သောကြောင့် စက်ဆုပ်ဖွယ်ကောင်း၏၊ မသိမလိမ္မာသူတို့ ကြံဆထားသော ခိုင်မြဲခြင်း, တင့်တယ်ခြင်း, ချမ်းသာခြင်း, အတ္တအဖြစ်တို့မှ ကင်းခြင်းကြောင့် အချည်းနှီးဖြစ်၏၊ ထိုသို့ စက်ဆုပ်ဖွယ်ကောင်းခြင်း အချည်းနှီးဖြစ်ခြင်း ကြောင့် ဒုက္ခ-ဟု ဆိုအပ်၏။ ဒါကြောင့် ယောဂီများအနေဖြင့် ဤဒုက္ခသစ္စာကို စက်ဆုပ်ဖွယ်ရာအချည်းနှီးဖြစ်တဲ့သဘောတရား ဟုမှတ်သားသင့်ပါတယ်။

၂။ ။ သမုဒယသစ္စာ = သမုဒယ ဟူသောပုဒ်ကို ၊ သံ+ဥ+အယ ။ ဦးစွာနားလည်ထားရပါမယ် ၊ သံ-ဟူသော သဒ္ဒါသည် ''(သမာဂမော) တွေ့ဆုံခြင်း, (သမေတံ)တကွဖြစ်သည်'' အစရှိသောပုဒ်တို့၌ ယှဉ်ခြင်းကိုပြ၏။ ဥ-ဟူသော ဤသဒ္ဒါသည် ''(ဥပ္ပန္နံ) ဖြစ်သည် (ဥဒိတံ) ဖြစ်သည်'' အစရှိ သောပုဒ်တို့၌ ဖြစ်ခြင်းကိုပြ၏။ အယ-သဒ္ဒါသည် အကြောင်းကိုပြ၏။ ဤဒုတိယသစ္စာသည်လည်း ကြွင်းသော (ကုသိုလ် အကုသိုလ်ကံ) အကြောင်းနှင့် ယှဉ်ခြင်းရှိလျှင် ဒုက္ခသစ္စာဖြစ်ခြင်း၏ အကြောင်းဖြစ်၏။ ဤသို့ အခြားအကြောင်းနှင့်ယှဉ်လျှင် ဒုက္ခဖြစ်ခြင်း၏ အကြောင်း ဖြစ်သောကြောင့် ဒုက္ခသမုဒယ- ဟုမှတ်သားသင့်ပါတယ်။

၃။ ။ နိရောဓသစ္စာ = နိ-သဒ္ဒါသည် မရှိခြင်းကိုပြ၏၊ ရောဓ-သဒ္ဒါသည် နှောင်အိမ်-ထောင်ကိုပြ၏၊ ထို့ကြောင့် ဤ နိဗ္ဗာန်၌ ဂတိအားလုံး ဆိတ်သုဉ်းသောကြောင့် သံသရာနှောင်အိမ်ဟု ဆိုအပ်သော (ဒုက္ခရောဓ) ဒုက္ခထောင်မရှိ၊ (ဤ အကြောင်းကြောင့်) တတိယသစ္စာကို ဒုက္ခနိရောဓ-ဟူ၍ ဆိုအပ်၏။
နည်းပြောရမယ်ဆိုရင် ထို နိဗ္ဗာန်ကိုရလျှင်သိလျှင် သံသရာနှောင် အိမ်ဟု ဆိုအပ်သော (ဒုက္ခရောဓ) ဒုက္ခထောင် ၏ မရှိခြင်း ကင်းခြင်းဖြစ်၏ (ဘာ့ကြောင့်လဲဆိုတော့)-ထိုဒုက္ခရောဓ၏ ဆန့်ကျင် ဖက် ဖြစ်သောကြောင့်ပင်၊ ဤသို့သော အကြောင်းကြောင့်လည်း ဒုက္ခနိရောဓ-ဟူ၍ ဆိုအပ်၏။ တနည်းကား ဒုက္ခ၏ မဖြစ်ခြင်းဟူသော ချုပ်ခြင်း၏ အကြောင်းဖြစ်သောကြောင့် ဒုက္ခနိရောဓမည်၏။

၎။ ။ မဂ္ဂသစ္စာ = ဤစတုတ္ထသစ္စာသည် အာရုံပြုသည့် အလိုအားဖြင့် ထိုဒုက္ခနိရောဓသို့ ရှေးရှုဖြစ်ခြင်းကြောင့်(ဒုက္ခနိရောဓ) ဒုက္ခချုပ်ရာသို့ (ဂစ္ဆတိ-ဂါမိနီ)သွားရောက်တတ်၏၊ ဒုက္ခနိရောဓသို့ ရောက်ခြင်း၏ အကြောင်းဖြစ်သော အကျင့် ပဋိပဒါလည်းဖြစ်၏၊ ထို့ကြောင့် စတုတ္ထသစ္စာကို ဒုက္ခနိရောဓဂါမိနီပဋိပဒါ-ဟူ၍ ဆိုအပ်၏။

လက္ခဏာအစရှိသော အပြားအားဖြင့် လည်း သစ္စာလေးပါးကို လေ့လာကြဦးစို့ ။ ဤသစ္စာလေးပါးတို့တွင်
၁။ ။ ဒုက္ခသစ္စာသည် နှိပ်စက်ခြင်းလက္ခဏာရှိ၏၊ ပူလောင်စေခြင်းကိစ္စရှိ၏၊ မပြတ်ဖြစ်နေခြင်းသဘောဟု ဉာဏ်အားရှေးရှုထင်၏။
၂။ ။ သမုဒယ သစ္စာသည် ဆင်းရဲ၏ အစဖြစ်ခဲ့ရာ အကြောင်းလက္ခဏာရှိ၏၊ ဒုက္ခမပြတ်စဲအောင် ပြုခြင်းကိစ္စရှိ၏၊ နှောင့်ယှ က် တားမြစ် သည့် အနေအားဖြင့် ဉာဏ်အားရှေးရှုထင်၏။
၃။ ။ နိရောဓသစ္စာသည် ငြိမ်းအေးခြင်းလက္ခဏာရှိ၏၊ မရွှေ့လျောခြင်း မသေ မပျက်ခြင်းဟူသော ပြည့်စုံသောဂုဏ်ရှိ၏၊ ဝါ-မသေမပျက်ခြင်းကိစ္စရှိ၏၊ ပုံသဏ္ဌာန် အရိပ်နိမိတ်ကင်းသောအားဖြင့် ရှုသိ ဉာဏ်အား ရှေးရှုထင်၏။
၎။ ။ မဂ္ဂသစ္စာသည် ထွက်မြောက်ကြောင်း လက္ခဏာရှိ၏၊ ကိလေသာကို ပယ်ခြင်းကိစ္စရှိ၏ ၊ ထမြောက်သည့်အနေဖြင့် ဉာဏ်အားရှေးရှုထင်၏။
တနည်း = ဤသစ္စာလေးပါးတရားတို့သည် အစဉ်အတိုင်း မပြတ်ဖြစ် နေခြင်း (ပဝတ္တိ)မပြတ်ဖြစ်စေတတ်သော (ပဝတ္တန) ဆုတ်နစ်ရပ်စဲခြင်း (နိဝတ္တိ) ဆုတ်နစ် ရပ်စဲစေတတ်သော (နိဝတ္တန) လက္ခဏာ ရှိကုန်၏။ ထို့အတူ အစဉ်အတိုင်း သင်္ခတလက္ခဏာ, တဏှာလက္ခဏာ, အသင်္ခတလက္ခဏာ, နိဗ္ဗာန်ကိုမြင်ခြင်း ဒဿနလက္ခဏာ ရှိကုန်၏။

အနက်သဘောအားဖြင့်လည်း သစ္စာတရားမြတ်တို့ကို သိထားသင့်ပါသည်၊ အတ္ထအားဖြင့် သစ္စဋ္ဌ- သစ္စာ၏ အနက်သဘောများမှာကား = အကြင်သဘောသည် ပညာမျက်စိဖြင့် စူးစူးစိုက်စိုက် ရှုဆင်ခြင်ကုန် သော ပညာရှိတို့အား မျက်လှည့်ကဲ့သို့ ဖောက်ပြန်မှားယွင်းသည်လည်း မဟုတ်၊ တံလှပ်ကဲ့သို့ ချွတ်ယွင်းစေသည်လည်း မဟုတ်၊ တိတ္ထိတို့၏ အတ္တကဲ့သို့ မရအပ်သော သဘောအထည်ကိုယ် ရှိသည်လည်းမဟုတ် ၊ စင်စစ်အားဖြင့်မူ နှိပ်စက်ခြင်း, အမွန်အစအကြောင်း, ငြိမ်းအေးခြင်း, ထွက်မြောက်ကြောင်း အပြားအားဖြင့် မှန်သည်၏အဖြစ်, မဖောက်ပြန်သည်၏အဖြစ်, အဟုတ်ရှိသည်၏အဖြစ်ဖြင့် အရိယဉာဏ်၏ ကျက်စားရာ အာရုံ ဖြစ်သည်သာတည်း။ မီး၏ပူခြင်းသဘောကဲ့သို့၎င်း, လောက၏ အိုခြင်းစသော ပင်ကိုသဘောကဲ့သို့၎င်း ဤမှန်သော မဖောက်ပြန်သော အဟုတ်ရှိသော သဘောကို သစ္စဋ္ဌ-သစ္စာ၏ အနက်သဘောဟူ၍ သိအပ်၏။
မြတ်စွာဘုရားဟောတော် မူသည်မှာ-''ရဟန်းတို့ ဤသည်ကား ဆင်းရဲတည်းဟူသော ဤသဘောသည်မှန်၏၊ ဤသဘောသည် မချွတ်ယွင်း ဤ သဘောမှာ အခြားအခြင်းအရာမရှိ''
တနည်းသော်ကား-
ဒုက္ခသည် မနှိပ်စက်တတ်သည် မရှိ (နှိပ်စက်တတ်သည် သာတည်း)၊ ဒုက္ခမှတပါးသော တရားသည် မနှိပ်စက်တတ် (ဒုက္ခသည်သာ နှိပ်စက်တတ်၏)၊ ထို့ကြောင့် ဒုက္ခ၌ နှိပ်စက်တတ်ခြင်း၏ ကိန်းသေမြဲခြင်း, နှိပ်စက် တတ်ခြင်း၌ ဒုက္ခ၏ ကိန်းသေမြဲခြင်းအားဖြင့် ဤဒုက္ခကို သစ္စာ-အမှန်တရားဟု ယောဂီများသိမှတ်ရပါမယ်။
သမုဒယသစ္စာ = ထိုတဏှာကို ကြဉ်၍ အခြားတရားကြောင့် ဒုက္ခသည် မဖြစ် (ထိုတဏှာကြောင့်သာ ဖြစ်သည်)၊ ထိုဒုက္ခ သည်လည်း ထိုတဏှာကြောင့် မဖြစ်သည်မဟုတ် (ဖြစ်သည်သာ)၊ ထို့ကြောင့် တဏှာ၌ ဒုက္ခ၏ အကြောင်းဖြစ်ခြင်း ၏ ကိန်းသေမြဲခြင်း ဒုက္ခအကြောင်းဖြစ်ခြင်း၌ တဏှာ၏ ကိန်းသေမြဲခြင်းအားဖြင့် တဏှာကို သစ္စာအမှန်တရားဟု သိအပ်၏။
နိရောဓသစ္စာ = နိဗ္ဗာန်မှတပါး ငြိမ်းအေးခြင်းမည်သည် မရှိ (နိဗ္ဗာန်သည်သာလျှင် ငြိမ်းအေး၏)၊ ထိုနိဗ္ဗာန်သည်လည်း မငြိမ်းအေးသည်မဟုတ် (ငြိမ်းအေးသည်သာတည်း)၊ ထို့ကြောင့် နိဗ္ဗာန်၌ ငြိမ်းအေးခြင်း၏ ကိန်းသေမြဲခြင်း, ငြိမ်းအေးခြင်း၌ နိဗ္ဗာန်၏ ကိန်းသေမြဲခြင်းအားဖြင့် ဤ နိဗ္ဗာန်ကို သစ္စာ-အမှန်တရားဟု သိအပ်၏။
မဂ္ဂသစ္စာ = အရိယမဂ်မှတပါး ထွက်မြောက်ကြောင်း မည်သည် မရှိ (အရိယမဂ်သည်သာ ထွက်မြောက်ကြောင်း ဖြစ်သည်)၊ ထိုအရိယမဂ်သည်လည်း ထွက်မြောက်ကြောင်းမဖြစ်သည်မဟုတ် (ဖြစ်သည်သာတည်း)၊ ဤသို့ မချွတ် ဧကန် ဟုတ်မှန်သော ထွက်မြောက်ကြောင်းဖြစ်ခြင်းကြောင့် ထိုအရိယမဂ်ကို သစ္စာ-အမှန်တရားဟု သမုတ်အပ်ခေါ် ဆိုအပ်၏။


ဤသစ္စာတို့ကိုဘုရားအစရှိကုန်သောအရိယာတို့သည်ထိုးထွင်း၍သိကုန်၏၊ထို့ကြောင့်အရိယာသစ္စာတို့ဟူ၍ဆိုအပ်ကုန်၏။

သံစဉ်..........ဓမ္မစာစု

ဘဝရဲ့ တစ်စိတ်တဒေသ သံစဉ်လေးများ

ငါတို့လေးစား ကြည်ညို ချစ်ခင်ရတဲ့ ဆရာကြီး ဟောပြောနေကြ စကားလေး တစ်ခုရှိပါတယ် ၊ အဲ့ဒါ ဘာလဲဆိုတော့…… အတိတ်ကိုတွေး မဆွေးလေနဲ့ အတိတ်ဆိုတာ ပြန်မလာဘူး တဲ့……. မှန်ပါတယ် အတိတ်ဆိုသည်မှာ အနာဂါတ်ကို သယ်ဆောင်လို့ရကောင်းတဲ့ အရာတော့ မဟုတ်ပါဘူး ၊ ဒါပေမဲ့… ဘဝသမိုင်းစာမျက်နှာတိုင်းမှာတော့ ၊ အတိတ်တွေရှိခဲ့ကြလို့သာလျှင် ပစ္စုပ္ပန်နဲ့ အနာဂါတ်တို့ မွေးဖွား လာရခြင်း ဆိုလျှင် ပိုမှန်ကန်ပါလိမ့်မယ် ၊ အနာဂါတ်ကို ခရီးဆက်ဖို့ အတွက် အတ်ိတ်ရဲ့ သမိုင်းစာမျက်နှာကိုတော့ ပြန်လည်ငေးမောရစမြဲပါပဲ…………………………………
အချိန်ကို နေ့စား ၊ နေ့ကို လစား ၊ လကို နှစ်စားလို့ ၊ ဘဝရဲ့ အချိန်တွေ ကုန်ဆုံးခဲ့ကြပေမဲ့ ရင်ထဲမှာတော့ ရက် ၊ လ ၊ နှစ် ၊တွေကို လွမ်းမောတမ်းတနေဆဲပါပဲ ၊ လွမ်းတဲ့ စိတ်ကို ဖြေသိပ်ဖို့ အတွက် အားအင်လျှော့နဲတဲ့ လက်တစ်စုံနဲ ဘဝ သမိုင်းစာမျက်နှာကို ၊ ပြန်လှန်ကြည့်မိသော အခါ……………………..

သမိုင်းစာမျက်နှာ(၁)

နာကျင်မှု့ ခါးသီမှု့တို့ကို မရင့်ကျတ် မတည်ငြိမ်သေးတဲ့ အချိန် ၊ လွတ်မြောက်မှု့ ဝိမုတ္တိရသကို ရှာဖွေရင်း …. ခရီဆက်ခဲ့တဲ့ ဆယ်နှစ်သားအရွယ်ကပင် မြန်မာတို့ရဲ့ ယာဉ်ကျေးမှု့ အလေးနက်ထားရာ မိရိုးဖလာ ပဗ္ဗဇ္ဇ မင်္ဂလာခေါ်တဲ့ ရှင်သာမဏေဘဝလေးကိုဘဲနှစ်ခြိုတ် ပျော်မွေ့ရင်း ….. ခရီဆက်ခဲ့ရပါတယ် ။ မြန်မာတို့ အားကိုအားထားပြုရာ မွန်မြတ်တဲ့ ဖန်ဝါဆင်မြန်း ဝတ်သင်္ကန်းလေးကို ဝတ်ရုံရင်းဘဲ မရပ် မနား အားလပ်ချိန်များကို ကူးခတ်ရင်း ….
ရှင်သာမဏေတို့ရဲ့ ယဉ်ကျေးမှု့ ခေါ်တဲ့ ရှင်ကျင့်ဝတ်နှင့် ၊ ပရိတ်ကြီး (၁၁) သုတ် ၊ ဘုရားရှိခိုး အမျိုးမျိုး နဲ့ မေတ္တာပို့နည်း အသီးသီးကို ၊ မော နေအောင် ကျက်ခဲ့ရတယ် ၊ ရက် ၊ လ ၊တို့ တိုက်စားရာ အချိန်နည်းငယ် ကြာလာတာနဲ့အမျှ ဆရာသမား၏ အားပေး မြှောက်စားမှု့ အောက်မှာ ကျင်လည်ရင်း ……..
သင်္ကန်းကိုစီး စိတ်ပုတီးနှင့် ဘုန်းကြီး ဘဝဟာ သဒ္ဒါမတတ်ရင် စာမတတ်တော့ဘူး ဟူသော ဆရာဘုန်းကြီးရဲ့ သွန်သင်ညွန်ပြမှု့ကို လေ့လာသိရှိခဲ့ရပြန်တော့လည်း ၊ မာနကိုလိုချင် မာန်ဟုန်ကို ရှေ့တန်းတင်ချင်တဲ့ ကလေးဘဝမို့ သဒ္ဒါစာ အုပ်ကိုထုပ် ၊ ပါးစပ်က အမြုတ်စီအောင် ၊ သုတ်စဉ် သုတ်နက် ၊ သဂြို င်္လ်ပါဌ် အနက်များကိုလည်း ၊ ကျေညတ်အောင် တတွတ်တွတ်ကျက်ရပြန်ပြီ ၊ သုတ်စဉ်၊ သုတ်နတ် နှင့် သင်္ဂြိုလ်လေး အနည်းငယ်ရရင်တော့ စာသင်တိုက်ပို့သွားရမယ် ဆိုတဲ့ ဆရာသမားရဲ့ အားပေးမှု့ကြောင့် ပညာရေး အိမ်မတ်ကို နောက်ထပ်တစ်ခါ လင်းလက်ခဲ့ရပြန်ပါတယ် ဒီလိုနဲ့ဘဲ ဆရာသမားရဲ့ ၊ မြှောက်စားမှု့ ခြောက်ထားမှု့တွေရဲ့ အောက်မှာ အငိုတစ်လှည့်၊ အပြုံး တလှည့်နဲ့ ဘဝဇာတ်ခုံပေါ်မှာ ၊ ဇာတ်ဆရာရဲ့ အလိုကျ ကြိုးဆွဲရာ ကရင်း ခုန်းရင်း ခရီဆက်ခဲ့တာကတော့ မသေချာမရေရာတဲ့ မနက်ဖန်ဆိုတဲ့ အိမ်မတ်တွေရဲ့ကြားမှာ အားတက်လိုက် ဆုတ်နစ်လိုက်နဲ့ ဖြတ်သန်းကူးခတ်ခဲ့ရပါတယ် ။
ဒီကြားထဲ …..
ပျော်စရာတွေကို အဆက် မပြတ် ပေးဆပ်လေ့ရှိတဲ့ တို့ရွာနောက်က
ချစ်စရာ ဧရာဝတီရဲ့ ကမ်းခြေ သဲသောင်ပြင်ပေါ်မှာ ဆော့ကစားရင်း
လှိုင်ခက်သံတွေရဲ့ကြားထဲမှာ ကြီးပျင်းလာရတဲ့ ဧရာဝတီသားလေးကို
ချစ်တတ် ခင်တတ် လွမ်းတတ် အောင် ၊ သင်ပေးခဲ့တဲ့ ချစ်စရာ
ဧရာဝတီကိုလည်း လွမ်းမောနေရပြန်ပါတယ်……………

အရာရာကို ခွဲခြားစိတ်ဖြာနိုင်ခြင်း မရှိသေးတဲ့ ၊ ကလေးတစ်ယောက်မို့ အနာဂါတ်လမ်းက မပီဝိုးတဝါး၊
ကျန်မာရေး ဂရုစိုက် ၊ စာကြိုးစားသင် ၊ လိမ်လိမ် မာမာနေ ၊ ဆိုတဲ့ ကျေးဇူးရှင် မိခင် ဖခင် ဆရာ သမားတို့ရဲ့ ၊ ပဲ့တင်ထပ်မျှ ဆိုဆုံးမတဲ့ စကားသံတွေဟာလည်း ၊ဝှေ့ဝဲချင်သည့်မျက်ရည်များကြားက
ကြားတချက် မကြားတချက်နဲ့ ၊ ချစ်စရာ ဧရာဝတီရဲ့ လှိုင်ခက်သံတွေကို လက်ပြနုတ်ဆက်၊ ယုံကြည်ချက် ၊ မီးလျှံတို့၏ ၊ မောင်းနှင်းအားဖြင့် ပညာသင် ခရီးကို စခဲ့လေသည် ။

သမိုင်းစာမျက်နှာ (၂)

ဒီလိုနဲ့ မဟာရန်ကုန်မြို့ရဲ့ ၊ လူတန်းစားပေါင်းစုံ ကျင်လည် ကျက်စားရာ မြို့ပြအလှကို ခံစားရင်း သဘာဝရဲ့ အလှတရားတွေကို ဗဟိုပြုပြီး ၊ ဧရာဝတီသားလေး ပထမဆုံး ကျင်လည်ခဲ့တာကတော့…
တစ်ချိန်က ရာဇဝင်တွင်ခဲ့ဘူးတဲ့ ၊ ငမိုးရိပ်ချောင်းရဲ့ ကန်မဖူးက ၊ မင်းနန္ဒာစာသင်တိုက်တဲ့ ၊
ရောမရောက်ရင် ၊ ရောမလိုကျင့် ၊ ဆိုတဲ့ ဆိုရိုးစကားနှင့် အညီ သဘာဝကို မလွန်ဆန်နိုင်တဲ့ လူသားတို့ သဘာဝအတိုင်း ………
စာသင်တိုက်ရဲ့ စည်းမျဉ်း စည်းကမ်းတွေကို လိုက်နာ ကျင့်သုံး ၊ ဝတ္တရားတွေကို ကျေပွန်စွာ ဆောင်ရွတ် ၊ အသိတရား တချို့တဝက်ကို သင်ယူ ၊ ဘဝရဲ့ နိဒါန်း သမိုင်း စာမျက်နာကို လှန်လှော်ရင်းဖြင့် ၊
ဘဝရဲ့ ခရီးကြမ်းကို ပထမဆုံးခြေလှမ်းတွေနဲ့ ၊ လျှောက်လှမ်းခဲ့ ရပါတယ် ၊ ရှေ့ရေစက်ကြောင့် ၊
ခင်မင်ရင်းနှီးခဲ့ရတဲ့ ဘဝတူ သူငယ်ချင်းတွေနဲ့ အတူ ၊ စာသင် စာကျက် ဘုရားဝတ်တက် ၊
အစရှိတဲ့ စာသင်တိုက်ရဲ့ ၊ ထုံးစံ အမျိုးမျိုးကို ၊ ဘဝတူ သူငယ်ချင်းတွေနဲ့ အတူ ၊ လိုက်နာ
ဆောက်ရွတ် အဖက်ဖက်မှ မပျက်ကွပ်ရလေအောင် ထမ်းဆောင်ရင်း ၊ အငိုတစ်လှည့် ၊ အပြုံးတစ်လှည့် နဲ့ ၊ လောကဓံရဲ့ စေညွန်ရာ ဒုက္ခမျိုးစုံကို ၊ ဘဝတူ သူငယ်ချင်းတို့ ၊
အေးတူ ပူအမျှ မျှဝေခံစား ၊ အသိတရားတွေဖလှယ် ရင့်ကျက်စ အရွယ်သို့ ၊ ရောက်ကြရပြန်တော့လည်း ၊ နှစ် လ တွေပြောင်းလို့ နှစ် နှစ်ကျော် သုံးနှစ်တောင် နှောင်းခဲ့ပါပြိ ၊
ဒီလိုနဲ့ဘဲ….
လောကဇာတ်ခုံပေါ်မှာ ဘဝသရုပ်ကို ထုပ်ဖော်ဘို့အတွက် အနာဂါတ်ရဲ့ လမ်းစကို ကိုယ်စီ ကိုယ်စီ ရှာဖွေဘို့ အတွက် ၊ ဆုံးဖြတ်ချက် ကိုယ်စီချခဲ့ကြတဲ့နေ့ဟာ ( ၇ . ၁၁ . ၁၉၉၉ ) ။
လူထွက်တဲ့ သူကထွက် တနယ်တကျေး ရောက်တဲ့ သူကရောက် ၊ ဒီဇင်ဘာ ညရဲ့ အဖြူရောင် မြူနှင်းများ အောက်မှာ ၊ မရေရာ မသေချာတဲ့ ဆုံးဖြတ်ချက်တွေကို ကိုင်ဆောင်ရင်း ရောင်ချာချာ ကျန်ခဲ့တဲ့ သူက… ကိုယ်တစ်ယောက်ထဲ ………..
လမ်းပျောက်လို့ လမ်းစရှာဖို့ အတွက် ကြိုးစားနေချိန် ၊ ခေါင်းထဲက အတွေး အပိုင်းစများနဲ့ ရောထွေးလျှက်ပါလာတဲ့ ခေါ်သံတစ်ချို့က ၊
…ငါ့ညီ နေ့လည်က ငါ့ညီမရှိလို့ ငါယူထားလိုက်တာ ၊ စာတစ်ဆောင်ရောက်လာတယ် ရော့ ဆိုပြီး ၊
နောင်တော်တစ်ပါးက လာပေးပါတယ်၊ ဒါနဲ့ ကမန်းကတမ်း ၊ ကောက်ဖွင့် ကြည့်တော့ အနာဂါတ် လမ်းခရီးကို စတင်မွေးထုပ်ပေးခဲ့သူက …….မာတာမိခင် ကျေးဇူးရှင် ………

“ သို့ …..သားလေး ကျမ်းမာရေးကောင်းရဲ့လား ၊ စာတွေရော လိုက်နိုင်ရဲ့လား ၊ ဘာလိုသေးလဲ ငါ့သားလေး လိုတာရှိရင် အမေ့ကိုပြော ၊ အမေ မရှိ ရှိတာ ရှာကြံပေးမယ် ၊
ငါ့သားလေးသာ ဒီဘဝမှာ ပျော်တယ်ဆိုရင် အမေသေပျော်ပါပြီ သားလေးရယ် ၊
သားလေး မှတ်ထားပါ လု့ဘဝဆိုတာဟာ ရခဲတယ် သားလေးရဲ့ ၊ အဲ့ဒိလို ရခဲတဲ့ ဘဝမှာ မြင့်မြတ်တဲ့ အလုပ်အကိုင်လုပ်နိုင်တဲ့ သူက ၊ တကယ့် အာဇာနည်းဘဲ သားရဲ့ ၊ သားလေးရဲ့ အဘိုးကလည်း မှာလိုက်သေးတယ် ..သူမသေခင် ငါ့သားလေး ဘုန်းကြီးဝတ်နေတာကို မြင်ချင်သေးတယ်တဲ့ ၊ ငါ့သားလေးလဲ စာကျက် စာအံ့နဲ့ နေ့စဉ်လုပ်နေရတယ်ဆိုတော့ ၊ တော်တော်ပင်ပန်းနေမှာဘဲနော် ၊
သားလေး ပင်ပန်းတယ်ဆိုတာကို အမေသိလို့ ငါ့သားလေး အားရှိတဲ့ အစား အစာတွေ ဝယ်စားဘို့ အတွက် .. အမေစုထားတဲ့ ငွေတစ်သောင်းကို သားလေး သုံးဘို့ထည့်ပေးလိုက်ပါတယ် .. သားလေး သုံးပါ ၊ အမေ့မှာ ပိုက်ဆံမရှိပေမဲ့ သားရှိရင် အမေ အားရှိပါတယ် ၊ သားပျော်ရင် အမေလည်း ပျော်တယ် ”
ဆိုတဲ့ မေမေရေးပို့လိုက်တဲ့ စာရွတ်ပေါ်မှာ ၊ မိုးပေါက်အလား တစ်ပျောက်ပျောက်ကျခဲ့ရတဲ့ မျက်ရည်တို့ရဲ့ ဦးတည်ရာကတော့…..ရွှေမန္တလာရဲ့ ဒုတိယ ပညာသင် ခရီး ……

သမိုင်းစာမျက်နှာ ( ၃ )

ဟန်ဆောင်မှု့ ၊ လိင်ညာမှု့ ကင်းတဲ့ ရွှေမန္တလာမှာ အခြေချခဲ့တဲ့နေ့ဟာ ( ၁၂ . ၃ .၂၀၀၀ ) ခုနှစ် ။
စာသင်တိုက်ကြီး တိုက်ငယ် အသွယ်သွယ်နှင့် ကျင်လည် ကျက်စား ၊ ရွှေမန္တလာမြေရဲ့ နေ့ရက်များကို ခတ်ခဲစွာ ကျော်ဖြတ် ၊ အနတ်တေး ၊ အနတ်ကျက် ၊ ပုဒ် ၊ ပါဌ် ၊ ရုပ် ၊ ဓါတ် ၊ ပစ္စည်း ပစ္စယတ် တို့၏ ၊
သဘောတရားများကို သင်ယူ ၊ စိတ်ရှုပ် စေတသိတ်ရှုပ် ၊ ရုပ် သရုပ် တို့၏ အဘိဓမ္မာသဘောတရားကို ရှာဖွေ ၊ ပညာထူးမြတ်တော်မူကြသော ဆရာမြတ်တို့၏ ၊ မီးမှောင်းထိုးပြတဲ့ ၊ စေတနာလမ်းကြောင်းအောက်မှာ ၊ အသိ စိတ် ဓါတ်တို့ မရင့်ကျက်သေးချိန် ဆိုတော့လည်း ……..
ဖြောင့်တန်းလိုက် ကောက်ကွေ့လိုက်နဲ့ဘဲ ၊ အဆင့်မြင့် ပိဋိက ပင်လယ်ထဲ နှစ်ပေါင်းမှားစွာ
ကူးခတ်ရင်း …. ရသင့် ရထိုက်တဲ့ ဆုလာဘ် များကို ၊ ကိုင်ဆောင်ပြီးချိန် ..
အသိ စိတ်ဓါတ်တို့ ရင်ကျက်စ အရွယ်မှာတော့ မျိုးဆက်သစ်ရှင်ငယ် ရဟန်းငယ်တို့ နောက်ပြန်မလှည့်သာသော .. ဥပသမ္ပဒ လမ်းကြောင်းပေါ်သို့ တက်လှမ်းခဲ့ရပါတယ် ….

( ဆက်လက်ဖော်ပြပါဦးမည် )
သံစဉ် ….

မနက်ဖြန် အတွက်...( ၄ )

ယနေ့ ည .....လပြည့်ဝန်းလို မျိုး ။
လူတိုင်းမျက်နှာ ၀င်းပကြည်ကာ ။
သာယာနိုင်ကြရင် ........................
လူ့ဘ၀ လူ့တန်ဖိုးကို
လောကအမြင်ထဲ အပြည့်အ၀ရရှိမှာမလွဲပေ ။

နောက်ဆုံးတော့
အားလုံးဟာ သေဆုံးရမှာပါ ။
မပူလေနဲ့ အဲဒီတွက်တော့ .............။

အကြီးကဲက
ငယ်သူများကိုလမ်းခွဲရလိမ့်မယ် ။
မိဘက
သားသမီးကို လမ်းခွဲရလိမ့်မယ် ။
ဆရာက
တပည့်ကိုထားခဲ့ရလိမ့်မယ် ။
ခင်ပွန်းသည်က
ကြင်ယာဇနီးကို စွန့်ခဲ့ရလိမ့်မယ် ။

အဲဒီချိန်ကျရင်ဖြင့် .................။
ဘယ်မှာလဲ အာဏာ.............
ဘယ်မှာလဲ ပါဝါ....................
ဘယ်မှာလဲ ဥစ္စာ....................
ဘယ်မှာလဲ စည်းစိမ်...................
ဘယ်မှာလဲ အလှတရား............

ဒီမေးခွန်းတွေကို ဖြေချင်သပဆိုရင်ဖြင့် ။
အာဏာကို အာဏာနေရာမှာသုံး
ပါဝါကို ပါဝါနေရာမှာသုံး
ဥစ္စာကို ဥစ္စာလိုသုံး
စည်းစိမ်ကို စည်းစိမ်လိုသုံး
အလှတရားကို အလှတရား လိုပဲ လိုအပ်ရာမှာသုံး
ကိုယ့်နေရာ ကို ကိုထမ်းဆောင်
ကိုယ့်တာဝန်ကို ကိုထမ်းဆောင်
အမှောင်ဝင်လာရင်
အားလုံးလက်တွဲ ပြီး အလင်းဆောင် ။
တရားသဘောနဲ့ ပြောရရင်တော့ ..............
အားလုံးအနိစ္စပါပဲ ။
သြော်...................................................
အခုလို ခနတာ အချိန်လေးမှာ
အနိစ္စလို့ နည်းနည်းလေးသိပေးပြီး
ဒီသီတင်းကျွတ်ည လပြည့်ကို
အေးချမ်းမှု့နဲ့ ဖြတ်ကျော်ရင်း
မနက်ဖြန်အတွက်
ကိုယ်အား ဥာဏ်အား မွေးဖွားနိုင်ကြပါစေ ။


သံစဉ်........