မထင်မှတ်ပဲဖြစ်ပေါ်ခဲ့တဲ့ စကားဝိုင်းလေး တစ်ခု ဆီမှ စကားလုံးများကို ဦးဇင်းအပါဝင် တခြားမိတ်ဆွေများကိုလဲ သိစေချင်တဲ့ စေတနာလေးက ရင်ထဲကို တိုးဝင် ဖြစ်ပေါ်လာခဲ့တာကြောင့်မို့လို့
ဒီ မျိုးဆက်သစ်သို့ လို့ နာမည်လေးပေးပြီး ဆောင်းပါးလေးတစ်ပုဒ်ဖြစ်အောင် ကြိုးစားခဲ့တာပါ၊
စကားဝိုင်းလေးဖြစ်ပေါ်လာဖို့ အတွက် အဓိက ဇာတ်ဆောင်ကတော့ ဦးဇင်းကို ဆွမ်းစားကြွဖို့ ပင့်ဖိတ်ခဲ့တဲ့
ဦးဇင်းရဲ့ နော်တော် Dr.အရှင်ဝိမလဝံသ (နာလန္ဒာတက္ကသိုလ်) ပေါ့၊ သူ့ကိုပင့်ဖိတ်ထားတဲ့ ဒကာများရဲ့အိမ်ဂေဟာနန်းသို့ ဦးဇင်းကိုပါ ဖိတ်ခေါ်ခဲ့တာပေါ့…. စံပြဈေးကြီး နားက ရပ်ကွက်လေးတစ်ခုမှာပါ အဲဒီနေ့က ဆွမ်းစားလို့ လဲ အလွန်ကောင်းခဲ့ပါတယ် ၊ ဆွမ်းစားပြီး မုန့်ဖက်ထုပ်တွေကိုတောင် ပြည့်ဝနေတဲ့ ဗိုက်က လက်မခံတော့ တဲ့ကြားထဲက ပါးစပ်က စားချင်လွန်းလို့
ကိုယ့်ဗိုက်ကို ကိုယ် တောင်းတောင်းပန်ပန်နဲ့ စားခဲ့လေရဲ့၊ အဲဒီနေ့က ဧရာဝတီတိုင်း၊ ကျောင်းကုန်းမြို့နယ်
ကညင်ကုန်းကျေးရွာမှ အခြေခံပညာ ကျောင်းမှာ ပညာသင်ယူနေကြတဲ့ အနာဂတ်ကြယ်ပွင့် ငယ်လေးများထဲမှ ဆင်းရဲ ရှားပါးတဲ့ ကလေးငယ်များအတွက် အရှင်ဝိမလဝံသရဲ့ ဒကာမတစ်ဦးမှ လှူဒါန်းတဲ့ ကျောင်းဝတ်စုံလေးတွေကို နော်တော်ကြီးက လက်ခံပြီး သူကိုယ်တိုင်လဲ အလှူငွေပါဝင်ကာ
ကုသိုလ်ပွဲလေးတစ်ခုကို အိမ်ခန်းကျဉ်းကျဉ်းလေးထဲမှာပဲ ခမ်းနားစွာ ကျင်းပခဲ့ကြပါတယ်၊ ထိုနေ့က ကညင်ကုန်းကျေးရွာမှ ဒကာကြီးတစ်ယောက် ပါတယ် ၊ နောက်ပြီး စကားဝိုင်းလေးရဲ့ အဓိက လူဖြစ်တဲ့ အတွက် ကြောင့်မို့ ဆရာဦးသောင်းထွဋ် ကိုတော့ ဒီနေရာမှာ ဂုရု ဆိုတဲ့ ဝေါဟာရနဲ့ တင်စားပြီး ပြောချင်ပါတယ်၊ နော်တော် Dr.ဝိမလဝံသက အိန္ဒိယ မှ ခနပြန်ရောက်လာတယ်ဆိုပေမယ့် ၊ ကညင်းကုန်းကျေးရွာ မှာ တစ်ရွာလုံးမီးရရှိဖို့ အတွက် မီးစက်ကြီး တစ်လုံးကို ဒကာဒကာမများနဲ့ စုပေါင်းလှူဒါန်းဖြစ်ခဲ့ ပါတယ်၊ ထိုမီးစက်ကြီးရေစက်ချ လှူဒါန်းပွဲကိုလဲ ပါရမီဖြည့်တဲ့ အနေနဲ့ နောက်ပါ ပစ္ဆာသမဏအဖြစ် ဦးဇင်းတို့ က လိုက်ပါဆောင်ရွက်ပေးခဲ့ ပါတယ်၊ အဲဒီ ကိစ္စကနေစပြီး စကားဝိုင်းလေးကို စတင်စေခဲ့တာပေါ့ ပြောခဲ့ကြတာကတော့ အများသားဗျ ဒါပေမယ့် အလွန်သဘောကျပြီး နှစ်ခြိုက်မိတဲ့ စကားလေးများကို ပြန်ပြောပါဆိုရင်တော့ … မျိုးဆက်သစ်လူငယ်များရဲ့ အနာဂတ်လှပဖို့ ခု ဒီစကားဝိုင်းမှာ ထိုင်နေကြတဲ့ သူအားလုံးက တာဝန်သိစွာ
ဘယ်လို ဆောင်ရွက်ရမယ် ဘယ်လိုစိတ်ဓာတ်တွေမွေးမြူပေးရမယ်ဆိုတဲ့ စကားလေးတွေပါပဲ၊ ဦးဇင်းတို့က
ဘုန်းကြီး ဖြစ်နေတာတော့ မှန်ပါရဲ့ ဒါပေမယ့် တစ်ခါ တစ်ရံမှာ လူပညာရှိတွေနဲ့ကြုံတွေ့တဲ့အခါ ဦးဇင်းတို့က အာရုံစိုက်နားထောင်ကြရပါတယ်၊
လူမှာအမျိုး ကြက်မှာအရိုး ဆိုတဲ့ စကားပုံလေးအတိုင်းပါပဲ ၊ မျိုးရိုးဆိုတာမတိန်ကောနိုင်ပါဘူး
လူတော်တစ်ယောက်မွေးဖွားပေးနိုင်တဲ့ လူ့အသိုင်းဝိုင်း၊ ထိုလူနေထိုင်တဲ့ မြို့ နှင့် နိုင်ငံ မှာ ထိုလူရဲ့ ကောင်းကျိုးပြုလုပ်ငန်းတွေရဲ့ အကျိုးဆက်ကောင်းတွေကို ခံစားကြရ ပါတယ်၊ အခြေခံစိတ်ဓာတ်ကောင်းမြတ်တဲ့ သူတွေရဲ့ အောင်မြင်မှုဟာ အများအတွက် တကယ်အကျိုးရှိပါတယ်၊
လက်ရှိဦးဇင်းတို့ တွေ့ကြုံနေရတဲ့ လူ့ပတ်ဝန်းကျင်မှာ အများအတွက် အကျိုးပြုနိုင်တဲ့လူတော်တွေ
လူကောင်းတွေ အများကြီး မွေးဖွားလာဖို့ မျှော်လင့်ပါတယ်၊ ရှေးကလူပညာရှိ ရဟန်းပညာရှိများရဲ့
ပညာနို့ရည်တွေ သောက်စို့ သုံးဆောင်နိုင်ခဲ့ ကြတဲ့ ယနေ့ လူတော်လူကောင်းများဟာ အတ္တဟိတ
ပရဟိတ နှစ်ပါးလုံးကို အောင်အောင်မြင်မြင်နဲ့ ဆောင်ရွက်နိုင်ဖို့ ကြိုးစားနေကြတာဟာ ဝမ်းသာစရာပါ
လူမျိုးတစ်မျိုး နိုင်ငံတစ်နိုင်ငံ မှာ အေးချမ်းစွာနေထိုင်နိုင်ပြီး သာယာတဲ့ဘဝလေးတွေကိုပိုင်ဆိုင်နိုင်ဖို့
လူငယ်များရဲ့ ပညာရေး နဲ့ ယဉ်ကျေးမှုဟာ လဲ အင်မတန်အရေးကြီးပါတယ်၊ ပညာရေးကောင်းမွန်မှ
ယဉ်ကျေးမှုနဲ့ တခြားစီးပွားရေးစတဲ့ အရေးပေါင်းများစွာကို အကောင်းဆုံးဖန်တီးနိုင်မှာပေါ့၊
ဦးဇင်းတို့ရဲ့ အဲဒီစကားဝိုင်းလေးမှာ ဂုရုကြီးက တော့ ပြောတယ်ဗျ၊…
အရှင်ဘုရားတို့ဟာ တပည့်တော်တို့ ရဲ့ မျိုးဆက်သစ်တွေပါပဲ ရိုသေစွာ လျှောက်ထား ချင်ပါတယ်၊
အရှင်ဘုရားတို့ ဟာ သာသနာအတွက် ဘာသာအတွက် လူမျိုးအတွက် နိုင်ငံအတွက် သားကောင်းတစ်ယောက် ဖြစ်လာဖို့ကိုလဲ မျှော်လင့် ချင်ပါတယ်၊ နောက်ပြီး အရှင်ဘုရားတို့ မွေးထုတ်ပေးမယ့် ကိုရင် ငယ်များနှင့် ကျောင်းသားများ ထဲမှာမှ လူတော်လူကောင်း အာဇာနည်တစ်ယောက် ပေါ်ထွက်ခဲ့ မယ်ဆိုရင် ပဲ ကြိုးစားရကျိုးနပ်ပါတယ်ဆိုတာကို သူပြောပြပါတယ်၊
ထွန်းထွန်းကားကား၊ ယောက်ျားတစ်ဆူ။
ထိုသသူကား၊ လူ၌သော်လည်းရနိုင်ခဲ့၏၊
ကြောင်းကျိုးစစ်၍၊ ကျိုးပြစ်ရှုမျော်သိမြင်ပါမူ၊
လေးဖော်မျိုးစစ်၊ မှီရာဖြစ်လိမ့်………..။ ရှေးသူတော်ကောင်းများရဲ့ အဆိုအမိန့်များဟာအင်မတန်
မှတ်သားစရာကောင်းလှပါတယ်၊ ထွန်းကားတောက်ပြောင်တဲ့ လူတစ်ယောက်ကို အမျိုးတစ်ခုမှ
မွေးဖွားပေးနိုင်ခဲ့မယ်ဆိုရင် လေးပါးသောအမျိုးတို့ မှီရာဖြစ်တယ်ဆိုတာကို ရည်ညွှန်းထားတဲ့ ကဗျာလေးပါ
ဒီစကားလုံးတွေကို မြတ်စွာဘုရားရှင်ဟောကြားထားခဲ့တာရှိပါတယ်၊
ညောင်တစ်ပင်ကောင်းတော့ ငှက်တစ်သောင်း နားခိုနိုင်တယ် ဆိုတဲ့ စကားပုံတွေလဲ အထင်အရှားရှိနေတယ်မဟုတ်လား၊ ဒါကြောင့်မို့ အနာဂါတ်မျိုးဆက်သစ်တွေကို လူတော်တွေအနေနဲ့ မွေးထုတ်ပေးနိုင်ဖို့ ကြိုးစားဖို့ တာဝန်ဟာ ယနေ့ ရှင်သန်နေကြတဲ့ ပစ္စုပ္ပန်လူတော်တွေမှာ ဝတ္တရား ရှိတယ်ဆိုတာကို ပြောချင်ပါတယ်၊ နောက်ပြီးတော့ အဲဒီစကားဝိုင်းလေးမှာ ဂုရုကြီးက ဒေါ်အောင်ဆန်းစုကြည်ရဲ့ သမိုင်းတစ်စိတ်တစ်ဒေသကိုလဲ ပြောပြခဲ့လေရဲ့၊ ငယ်ငယ်တုန်းက ခက်ခဲတဲ့ လောကဓံတွေကို ကျော်လွှား ရုန်းကန်ကြိုးစားပြီး နေခဲ့ရတယ်ဆိုတာတွေပေါ့ ၊ ယနေ့ အောင်မြင်ကျော်ကြားတဲ့ လူတော်တွေ အများစုဟာ ဘဝကို ခက်ခက်ခဲခဲ ရင်ဆိုင်းခဲ့ရတယ်ဆိုတာကို
ဦးဇင်းတို့ မိတ်ဆွေများလဲ တော်တော်လေးသိပြီးသားဖြစ်မှာပါနော်…… တစ်ခါတစ်လေမှာ ကိုယ်တိုင်က
လူတော်မဖြစ်ခဲ့ရင်တောင်မှ လူတော်တွေဖြစ်ဖို့ အထောက်အပန့်ပေးနိုင်ခဲ့မယ်ဆိုရင်လဲ ဒါဟာ ကျေနပ်စရာ
ရလဒ်တစ်ခုပါ၊ ခေါင်းဆောင်ကောင်း မဖြစ်နိုင်ခဲ့ ရင်တောင်မှ နောက်လိုက်ကောင်းတော့ ဖြစ်ကြဖို့ လိုပါတယ်၊ ဆရာကောင်းတစ်ယောက် ခေါင်းဆောင်ကောင်းတစ်ယောက် ဖြစ်လာဖို့အတွက် တပည့်ကောင်းတစ်ယောက်ဖြစ် ဖို့ အရင်ကြိုးစားရပါလိမ့်မယ်၊ တပည့်ကောင်းတစ်ယောက်ဆိုတာ
ဆရာကောင်းတစ်ယောက်ဖြစ်ဖို့ မျိုးဆက်သစ်ပါပဲ၊ နောက်လိုက်ကောင်းတစ်ယောက်ဆိုတာ ခေါင်းဆောင်ကောင်း တစ်ယောက်ဖြစ်ဖို့ မျိုးဆက်သစ်ပါပဲ၊ နောက်ပြီး ယနေ့ အသက် ၃ဝ အတွင်းမှာ
ဖြစ်တည်နေကြတဲ့ ဦးဇင်းတို့လို လူငယ်များအတွက် (တဘောင်) လို့ခေါ်တဲ့ ရှေးစကားတွေကို ခုချိန်မှာ
အဓိပ္ပါယ်ရှင်းလင်းစွာ သိနားလည်ဖို့ ခဲယဉ်နေမယ်လို့ ထင်ပါတယ်၊ အဲဒီနေ့က အလွန်ကြိုက်မိတဲ့ တဘောင် စကားလေးတစ်ခုကို ဂုရုကြီးဆီက ရေးသားမှတ်ယူခဲ့ပါတယ်၊
နောက်ပြီး ဗဟုသုတ ကြွယ်ဝတဲ့ လူတစ်ယောက်နဲ့ စကားပြောရခြင်းဟာ စာအုပ်များစွာကို ဖတ်ရှုရသလိုပါပဲ ဆိုတာကိုလဲ သဘောပေါက်မိပါတယ်၊ သူပြောပြတဲ့ ဟောဒီ တဘောင် လေးက
အမှန်တော့ အဓိပ္ပါယ်အင်မတန်လေးနက်တယ်ဆိုတာကို သူပြောပြလို့ ဦးဇင်းတို့ သိခဲ့ရပါတယ်၊
ဒါပေမယ့် အဲဒီ အဓိပ္ပါယ်စသည်ကိုတော့ ဒီဆောင်းပါးလေးမှာ ချမရေးလိုက်တော့ပါဘူး၊ အချိန်အားလပ်ကြုံကြိုက်တဲ့ ခါမှာ မာတီဆိုဒ်လေးမှာတော့ တင်ထားလိုက်ပါမယ်၊ လောလောစဉ်မှာလဲ
ဦးဇင်းတို့ ဆရာတော်ကြီးရဲ့ စာမူကြမ်းတစ်ချို့ကို စာအုပ်ဖြစ်မြောက်ဖို့ လုပ်ဆောင်နေရတော့ သိပ်မအားလှဘူး မာတီ မိတ်ဆွေများအနေနဲ့ ကိုယ်တိုင်က လူတော်တွေ လူလိမ္မာတွေ ဖြစ်နေကြရုံနဲ့
တာဝန်မကျေဘူးနော် ကိုယ့်လို လူတော်လေးတွေ မျိုးဆက်သစ်လေးတွေကို မွေးဖွားပေးနိုင်ဖို့ ကိုလဲ
မလစ်ဟင်းကြဖို့ သတိပေးချင်တာပါ၊ ခုချရေးလိုက်တဲ့ စာတွေ နဲ့ ဒီ တဘောင် စကားလေးနဲ့ တော့
သိပ်မဟက်စပ်ဘူးထင်ပါတယ်…… သို့သော်လည်း ဒီစကားလေးကိုပဲ ဦးဇင်းတို့ မိတ်ဆွေများကို
သိစေချင်တဲ့ စေတနာလေးတစ်ခုကို အားကိုးပြီး ဒါလေးကို ရေးပေးလိုက်ပါတယ်။
တပင်တိုင် ခဝါချ၊ နာလှတဲ့ အသီးတွေ၊ တွန့်လို့သာကြွေ။
အသီးကြွေ ရာသီပြောင်း၊ သာသနာမောင်း ရှေကဆော်၊ ဒေါင်းတွေကအော်။
ဒေါင်းအော်လျင်၊ သူလာလိမ့်လေး၊
ခြင်္သေ့မင်းတန်ခိုးကြွယ် တိုးလို့ကွယ်ပူလိုက်ဦး။
ဂူပုန်းတဲ့ရှင်ကြီးပျော်ရယ်၊ သမီးတော် လွှတ်လိုက်ပါအုံး၊
ဇာနည်ကြက်မ တွန်လျင်၊ ဤဇမ္ဗူတွင် လင်း၍မဆုံး။
ဒါလေးပါ၊ နောက်ပြီး ပြောအုံးမယ်
ရှေးကကောင်းလို့ ခုကောင်းပါသည်၊ အခုကောင်း နောင်ကောင်းပါလိမ့်မည်၊ ဆိုတဲ့ ဂန္ဓာရုံဆရာတော်ကြီးရဲ့
အဆိုအမိန့်ဟာလဲ အလွန်ကောင်းပါတယ်၊ ရှေးကလူကြီးမိဘ လူပညာရှိ ရဟန်းပညာရှိများ ကောင်းခဲ့လို့
ဦးဇင်းတစ်တွေဟာ ကောင်းကျိုးရဲ့ အသီးပွင့်တွေကို စားသုံးနေကြရပါတယ်၊ ဒီတော့ ဦးဇင်းတို့ တစ်တွေ
ကောင်းခဲ့မယ်ဆိုရင် နောင်မျိုးဆက်သစ်တွေ ဟာ အခုလူတွေရဲ့ ကောင်းကျိုးအသီး အပွင့်တွေကို
စားသုံးပြီး အနာဂတ် ဘာသာ သာသနာ နဲ့ နိုင်ငံ လူမျိုး အတွက် မျိုးသစ်ကောင်းတွေ ဖြစ်လာလိမ့်မယ်လို့
မျှော်လင့် ရင်း……………..မျိုးဆက်သစ်တို့ ရဲ့ တောက်ပတဲ့ ကြယ်ပွင့်များနဲ့ထွန်းလင်းတဲ့ ကောင်းကင်ပြာပြာကြီးကို လက်ကမ်းကြိုပါရစေ……..။
အရှင်သိရိန္ဒ (သာသနာ့အေးရိပ်)
တာမွေ၊ ရန်ကုန်။
No comments:
Post a Comment